ياطير

ياطير وشلون العشى يوم اعشيك 

من يوم برقعتك وكثرة حبالك 

ياطير برقعتك وانا معجب فيك 

لو إن لعبك بالعليا زهالك 

اليوم سبقتك على الوكر وادعيك 

وإن ما نقزة الدس ياشين فالك 

من عقب ماكفك بصيده تعشيك 

اليوم تكفخ لين يكثر خمالك 

والله فلا حسبت وش صاير فيك 

حتى جرالي شي مما جرالك 

اليوم فيني مثل ماصاير فيك 

عزي لحالي وانت عزي لحالك 

شدة سبوقي عقب ماني مخاويك 

وبالي تخبث مثل ماضاق بالك 

انا سنافي وانت طاريك يكفيك 

وقت عبالي مثل وقت عبالك 

ياقلب وشبك

ياقلب وشبك عنيد وما تبي تسمع 

خليتني فالبشر حالي شقاويه 

الشيب في عارضي ماعاد لي مطمع 

وانته تجرن مع الناس الهواويه 

من الحرم للرياض لحايل ويتبع 

راعيك حتى الحسى وصلت مناويه 

ياقلب ليتك تشوف الواقع وتقنع 

ياقلب جرحك عجزت القى مداويه 

حلوين غالين لكن مالنا مشفع

الذيب جووعه مشهاب الشواويه  

لو تنثر البذر دام الارض ما تزرع 

ترك خلاوي وصيحاتك خلاويه 

  

رعبوبةٍ مترفه كلٍ لها يسمع

وانته جلاوي مع الناس الجلاويه 

من حولها الشعر والابداع يستمتع

وقلوب عشاق عجزت عن بلاويه 

والله لجوود سبوقك والبسك برقع 

 لو انت شيهان وعروقك نداويه 

وان كان قصدك تحقق فالزمن مطمع 

صدم ودع ولا حقق مناويه 

الأمر لله

مجاراة  للامير عبد الله بن خالد ال سعود يحفظه الله 

يقول سمو الامير 

ياسعود ماينفع عتاب وملامه 

راحوا حزام الظهر ذربين الايمان 

راحوا مدلهة الغريب ومرامه 

خيالة العوجاء مدابيس الاكوان 

------------- 

يا امير يانسل الشرف والشهامه 

يابو محمد ياسلايل كحيلان 

اوحية لك صوتٍ  يفج الغمامه 

ايجدد بقلبي على البعد الاحزان 

الامر لله ما علينا ملامه 

مافي يدينا شيء لو راح سلطان 

شيخٍ عسى مثواه برد وسلامه 

وعفواٍ عن الزله وروحٍ وريحان 

ونايف على الطولات يكرب حزامه 

حرٍ حمى اطرافه على كل خوان 

دون الوطن داسوا على كل هامه 

وعزوا جنابه عن قرايب وعدوان 

وان كان غابوا فالحرار الزعامه 

ان غاب حر الدار بالدار شيهان 

يادار صبحك كل مجد وكرامه 

ونصر وسلامه وابتسامه وأيمان 

حبك رضعته قبل سن الفطامه

وحلفت لك لمشي على كل ميدان 

يا امير جوي غير مادامك بخير

ابيات مهداة للامير عبد الله بن خالد ال سعود 

يا امير جوي غير مادامك بخير 

الله يعزك يارفيع الجنابي 

اليوم جو اليوم ساق التباشير 

رايق يزيل الهم والاكتأبي 

يحتاج هاوي بر فنان تصوير 

ولا معه جوال ولا مخابي 

وانا كثر ماني بهاوي مشاوير 

عجزت لا احدد وسيلة ذهابي 

الوضع بعض احيان يحتاج تنوير 

صافحت كف المونت بجرح كتابي 

حايل مطرها غير وجروحها غير 

من كم شهر حايل وجوه ضبابي 

جونا بسود قلوب تتلي مغاتير 

كبرت شعاراته ولونه تُرابي 

ناسٍ تبي تصبح رموز ومشاهير 

وناسٍ على قول الجنوبي : كذابي 

ماهمهم تقصير لو فيه تقصير 

ولا همه الفقري ووضع المرابي 

ولا انا في خير مادامك بخير 

لو ان حايل صار جوه ضبابي 

صفعت زماني

خمتني الفرقاء وانا ماتعافيت

 من صفقت ايامي وسطوة زماني

 وانا اشهد اني بالهواء ماتمنيت

 إلا حبيبٍ مايغير مكاني

عزاي لامني من الضيق وعانيت 

وحر الفراق المر شب وكواني

 دحرت شيطاني وقمت وتوضيتى

 وصليت للي عن هواهن نهاني

وكمّلت عزبة موتري ثم دقيت

 على الذي وقت الشدايد ضماني

 والرخل قبلته جنوبٍ وسميت

 وكبده فطور لطيبين اليماني

وجريت صوتي قفو ناري وغنيت

 وقول الردى مايستلذه لساني

 ومشيت لي في روض عاشب وسجيت

 عن كل همٍ مرني وابتلاني

ياللي خذيت من الجسد شيء واقفيت

 انا مبيحك كان قلبك نساني 

يما قبل نومي بزينك تغنيت 

واليوم ماكنك سكنت بكياني

مـــــــــيلة عقـــــــــــــال

قابلت لي طفلِ غريرِ وفتان 

من نار حبه يوم شفته كواني 

احرق معاليق الحشى بس باتقان 

دور الضحيه مثله وابتلاني 

بالسوق صادفني من الزين ريان 

من بين خلق الله تجراء وجاني 

أشر وقمت ارجف ودي وخجلان 

قال العفوا : اخوي راح ونساني 

قلت : امري قالت : مبايلك يافلان 

صدقتها واعطيتها من جناني 

دقت وسهم الغدر من ضحكته بان 

قلت : تفضل شوفه اخوي جاني 

مشكور ماقصرت طالعت زعلان 

قالت : علامك قلت : هرجك أذاني 

قالت : عشقتك ما اعرف قبلك إنسان 

من ميلة عقالك عرفت المعاني 

قلت : اسمعي بعطيك للدرس عنوان 

بأخلاص بشرح يوم ربي بلاني 

ماكل من ميل عقاله كحيلان 

ياجاهله في لبستي له معاني 

لبسه شعار للمأسي والحزان 

ذكرى لمجد وعز ضايع وفاني 

الأندلس ضاعت وهو صار عنوان 

والقدس لا ننسى ترابه ثواني 

أما انا من واقعي حيل تعبان 

والحب تلقينه مع انسان ثاني 

معك عرفت الغزل

يا اغلا من الشعر واغـلا الشعـر وعيونـهيـــاوردة الـكــون كـلــه يـابـعــد حــالــي

اجـيـك زعـــلان والاشـــواق مجـنـونـهوارجـع وانـا مستريـح ورايـق ن بـالـي

ابـيـات شـعـري تسـابـق فـيـك مفتـونـهيـحـق للشـعـر يـعـشـق ذوقـــك الـعـالـي

دام الادب جـــم والـكـلـمـات مــوزونــهوالـمــر بـيـديـك يـرجــع ينـقـلـب حـالــي

شاعرك عاشـق وهـو ماشـاف بعيونـهخلينـي اهـيـم فــي عشـقـك عـلـى فـالـي

لاتتركيـنـي اعـيـش الـكــون وسـكـونـهابــي دفــى كلـمـتـك لـــو مـنـتـي قـبـالـي

فـي ذمتـي كـن روحــي مـنـك مسكـونـهاشــوفــك احــيــان واثــريــه يتـهـيـالـي

ملعـونـه ضـروفـنـا والـنــاس ملـعـونـهلو كنت ما اعرفك اصلاً يمكـن اشوالـي

كـل مـا فتحـت الخفـوق وبـاح مكنـونـهلـمـت بـنـا العاصـفـه وانصـكـت اقفـالـي

وكل مـا سجنـت الغـرام وخفّـت طعونـهتجـيـن مـثـل الـســراب وتـكـبـر أمـالــي

معـك عرفـت الغـزل والــذوق وفنـونـهوعرفـت معنـى اكتفـيـت وهــز فنجـالـي

وعرفـت ليـل الغـرام وصاخـب سكونـهوهبوبـه الصلـف كيـف يقطـع اوصـالـي

واصبحـت اجـادل بـه الـي مـا يعرفـونـهواشرح لهم عن غلانا واضرب امثالـي

واقول : كيف ابحر المركب على هونهووشلون يرسي الا من جـات الاهوالـي

ماكنـت اصدقـك ياغـلا الشعـر وعيـونـهإن انــت بتـضـيـع مـنــي يـابـعـد حـالــي

بس اعـرف انـك لـو ان رفـاي مدفونـهأقـرب علـى خاطـري مـن لهفـت عيالـي